Mənim sənlə heç xatirəm olmayıbdır, olmayacaq da
İnan ki, səmimiyyət gözəl şeydir, olmaya saxta
Bu sevgi səmadır və mən yanında parlayan günəş
Sən elə bir buluda dön ki, səcdə eləsin üstünə dağlar

Yazıram tək sən haqda, şəkillərinə meyil edərək
Dalbadal vurar damğanı, darmadağın edər fələk
O qədər sifət var ki, içi zibildir üstü bəzək
Öldürdüyün ümidlərimin arada bir qəbir üstünə dəy

"Gəl evlənək..." deyərdim, amma yaşım azdır
Mən səni görüşməyə çağıranda da boş olmazdın
Şair yazır həmişə səni yazmasa xoş olmazdı
Gərək mənlə yarım qalardın ona-buna qoşulmazdın

Qoca dərviş azıb yolunu, bax indi yolsuz
Sevgi işarəsi də dəyişməyib qalıbdır sonsuz
Bədənimi təmizləyim, qoy bu şeir qanımda donsun
Gözləyəcəm həmin kafedə, gəlməsən də canın sağolsun...

Onun üzü gülür, amma gözü yol çəkir
Yenə bax cibimdə qalıb o şəkil
Birgə gəzmişdik yadımda o səki
Onun üzü gülür, amma gözü yol çəkir

Onun üzü gülür, amma gözü yol çəkir
Yenə bax cibimdə qalıb o şəkil
Birgə gəzmişdik yadımda o səki
Onun üzü gülür, amma gözü yol çəkir

Gözümdən axan sənsən, arzularım batan göldür
Eşqin ocağı yenicə alovlanmışdı ki, haçan söndü?
Düşüncə tər-təmizdi, sevirəm səni pak ürəklə
Sənə ac gözlə baxarkən hər beş oğlanın dördü

Önümdə soyuq kofe, xatirəmdir gecədən
İnan, heç yadımda deyil, dünən gəlmişəm evə neçədə
Sevgi təkcə üzünü soldurmur, çöküntü verir içə də
Bütün ağrılarımı unutmaqçün bu gecə də yenə içəcəm mən

Əlindən gələcək hər bir bəla məndə candan çıxdı
Demişdim o vaxtı sənə "Qəlbi gəl al", yaddan çıxdı...
Şeirdə varıydı cah-calal, əvəzi yardan çıxdı
Tanrı bir üz veribdir sənə, o biri harda çıxdı?!

Gəldiyim ayrı məkan və duyduğum səhv ətirdi
Gah nala, gah mıxa vurduq və heçnə düz gətirmir
5 əsrlik sevgini 5 dəqiqədə məhv elədin
Mənə dedin ki, "Xoş gəlmişdin həyatıma. Xoş get indi!"

Onun üzü gülür, amma gözü yol çəkir
Yenə bax cibimdə qalıb o şəkil
Birgə gəzmişdik yadımda o səki
Onun üzü gülür, amma gözü yol çəkir

Onun üzü gülür, amma gözü yol çəkir
Yenə bax cibimdə qalıb o şəkil
Birgə gəzmişdik yadımda o səki
Onun üzü gülür, amma gözü yol çəkir